บทความพระไตรปิฎก

มหาจุฬาเตปิฏกมหามหคาถา
___________________

	สิทฺธตฺโถ หิ มหาวีโร	ปุพฺเพ สมฺโพธิปตฺถิโต
	ปูเรตฺวา ปารมี สพฺพา	ปตฺโต สมฺโพธิมุตฺตมํ
	ปาวจนํ ปวตฺเตสิ	สพฺพโลกหิตาวหํ
	ปชานุกมฺปโก พุทฺโธ	สตฺเต ทุกฺขา ปโมจยิ
	สมฺมาสมฺพุทฺธกิจฺจํว	อภิปูเรสิ สพฺพโส
	โลกจกฺขุ ปทีโปว	นิพฺพุโต โลกนายโก
	พหุสฺสุตา มหาเถรา	ปรมฺปราย สาวกา
	มุขปาเฐน อาเนสุ	นวงฺคสตฺถุสาสนํ
	เถรา หิ สีหฬทีป-	วาสี วีรา ติเปฏกา
	ตํ ปจฺฉา โปตฺถการุฬฺหํ	สทฺธมฺมฏฺฐิติยา อกุ
	สฺยามรฏฺฐมหาเถรา	ลงฺกาทีปวรํ คตา
	ปิฏกตฺตยมาเนสุ	ปาลยึสุ ปรมฺปรา
	ตโต “ปิยมหาราชา”	อิจฺเจวํ มงฺคลวฺหโย
	สฺยามรฏฺฐมหาราชา	จกฺกิวํสสฺส ปญฺจโม
	มุทฺทาเปสิ สฺยามกฺขร-	ปากฏํ ปิฏกตฺตยํ
	เอเตน หิ มหารญฺญา	การิเต สาสนุคฺคเห
	มหาจุฬาลงฺกรณ-	ราชวิทฺยาลเย ฐิเต
	ปาริหาริกเถราว	สทฺธมฺมฏฺฐิติกามกา
	โอโลเกตฺวา วิโสเธตฺวา	ปุราณปิฏกตฺตยํ
	วิเทสปิฏกตฺตย-	สํสนฺทนวิจารณํ
	กาเรตฺวา มุทฺทาปยึสุ	มหาจุฬาสุปากฏํ
	ตโต อิธ มหาเถรา	อุปาสกา วิสารทา
	เอตํ สมฺปริวตฺเตตฺวา	สฺยามรฏฺฐนิรุตฺติยา
	“มหาจุฬา”ติ นาเมน	มุทฺทาปยึสุ สพฺพโส
	อิทานิ ปาริหาริกา	เถรา ปณฺฑิตุปาสกา
	เอเต สพฺเพปิ โมทนฺตา	การยึสุ มหามหนฺติ.
___________________ นายรังษี สุทนต์ ป.ธ. ๙ โครงการชำระพระไตรปิฎกฯ ประพันธ์